«Ադրբեջանը ԵՄ պնդմամբ ստիպված եղավ համաձայնել Քիշինևում հանդիպմանը». Արամ Սարգսյան

«Հանրապետություն» կուսակցության նախագահ Արամ Սարգսյանը գրել է. «Վաշինգթոնյան հանդիպումից հետո ադրբեջանական կողմը հայտարարեց, որ իրենք համաձայնություն չեն տվել Քիշինևում հանդիպմանը, հետո ԵՄ պնդմամբ ստիպված եղավ ընդունել, որ համաձայնել է։ Ալիևի լաչինյան հայտարարությունները և ադրբեջանական ԶՈւ կեղծ հաղորդագրությունները Քիշինևում հանդիպումից առաջ փորձ են՝ վախեցնել միջնորդներին ու հակառակորդ կողմին նոր պատերազմով, առավելագույնը ստանալու ակնկալիքով, կամ արհեստական լարելով իրավիճակը՝ չեղարկել Քիշինևում հանդիպումը։ Ալիևի այդ վարքագիծը հիմնավորում է, որ ՀՀ-ին ձեռնտու է միմիայն ԱՄՆ և ԵՄ ընդլայնված կազմով բանակցությունների ձևաչափը, մնացած բոլոր հարթակները, ներառյալ Շառլ Միշելինը, կամ կողմնակալ են, կամ հղի են ապակայունացնող ինքնադրսևորումներով։ Դրական է, որ ԱՄՆ-ը խնդրի միջազգային չափանիշներով լուծման ցանկություն և ներուժ ունի, և ՀՀ-ն, ԵՄ բարեկամ երկրների դրական վերաբերմունքից օգտվելով, խնդիրը պետք է պահի ԱՄՆ-ի ազդեցության դաշտում»։