Հայտնի է՝ որքան ժառանգություն է թողել Բեռլուսկոնին

Իտալիայի նախկին վարչապետ Բեռլուսկոնին, ով մահացել է հունիսի 12-ին երկարատև հիվանդությունից հետո, թողել է 4 միլիարդ եվրոյի ժառանգություն, հայտնում է Corriere della Sera-ն։

Ըստ հրապարակման՝ նախկին վարչապետն ուներ ավելի քան 10 վիլլա, մի քանի բնակարան, զբոսանավեր, ինքնաթիռներ, ուղղաթիռ։ Բացի այդ, Բեռլուսկոնին եղել է Fininvest մեդիա հոլդինգի սեփականատերերից մեկը, որի տնօրենը քաղաքական գործչի դուստր Մարինան է։ Բեռլուսկոնիին պատկանում էր բաժնետոմսերի 61%-ը։

Հաղորդվում է, որ Բեռլուսկոնին բիզնեսից օրական ստանում էր 170 հազար եվրո, իսկ ֆիրմայի զուտ եկամուտը 2021 թվականին կազմել է գրեթե 5 միլիարդ։

Բացի այդ, նախկին վարչապետին էր պատկանում «Մոնցա» ֆուտբոլային ակումբը, իսկ մինչև 2017 թվականը՝ միլանյան թիմի բաժնետոմսերի 99,93%-ը։ Սակայն Բեռլուսկոնին 740 միլիոն եվրոյով վաճառել է «Միլանի» բաժնետոմսերը չին-ամերիկյան Rossoneri Sport Investment Lux կոնսորցիումին։ Քաղաքական գործչի ժառանգությունը կներառի նաև ներդրումներ Satispay և Soldo ֆինանսական թվային ընկերություններում:

Forbes ամսագիրը Բեռլուսկոնիի կարողությունը գնահատել էր 7 միլիարդ դոլար։

Հիշեցնենք, որ Սիլվիո Բեռլուսկոնին մահացել է հունիսի 12-ին 87 տարեկան հասակում։