«Արտոնությունների առաջնայինն ու երկրորդականը չկարողացանք տարբերել». Արմինե Մելքոնյան

Լրագրող Արմինե Մելքոնյանը ֆեյսբուքյան իր էջում գրում է. «ՏՏ ոլորտին հարկային արտոնություն տալը վատ չի, եթե հաշվի ենք առնում, որ այդ քայլին են գնացել՝ ելնելով Հայաստանից բիզնեսը չհանելու հանգամանքից։ Բայց դե, ստացվում է, որ կայուն ոլորտ էլ չէ, եթե հանկարծ վաղը Ռուսաստանի նման կռվի մեջ եղանք, մեր մոտից էլ կգնան, կամ ավելի պարարտ հող ստեղծվի առաջինը կլքեն Հայաստանը։ Կամ ասենք, եթե գյուղատնտեսության ոլորտում մարդը չի կարող արտը կամ կովը վերցնի գնա նա պետք է հողի հետ կռիվ տա, որ մյուսների հարկի մասը լրացնի։
Մենք արտոնությունների առաջնային և երկրորդականը չկարողացանք տարբերել։
Դրանից էլ այգիները սկսեցին չորանալ, արտերը չմշակվել։
Իսկ կրթության մասին ընդհանրապես լռեմ, հանկարծ արտոնություններ չտաք, թող ուսուցիչները շարունակեն զրկանք կրել ու ձեր մունաթը, թե լավ կրթություն չեն տալիս։ Ձեր վճարածի դեմ տված կրթությունը ակադեմիական է։
Մյուս ոլորտներն էլ դուք նշեք»: