«Ինձ խաբել են, իմ գրպանը գցել են, ես հարիֆ եմ». Մանուկյանը՝ Փաշինյանի ելույթի մասին

«Նախորդ երեք տարիներին իրար հակասող այնքան բան է ասել Շուշիի մասին, որ եթե իրար կողք դնես, մի ամբողջ նախաքննություն պետք կլինի: Հակասությունների մեխն ունի մեկ նպատակ՝ ես դրա հետ կապ չունեմ, ես որևէ գործ չունեմ, ինձ խաբել են, իմ գրպանը գցել են, ես հարիֆ եմ»,- ԱԺ-ում լրագրողների հետ ճեպազրույցում ասել է «Հայաստան» խմբակցության պատգամավոր Գեղամ Մանուկյանը՝ անդրադառնալով ԱԺ քննիչ հանձնաժողովի նիստում ՀՀ վարչապետ Նիկոլ Փաշինյանի ելույթին: Ըստ Մանուկյանի՝ Շուշիի հետ կապված հանգամանալից քննություն պետք է իրականացվի: