«Ադրբեջանի ու Թուրքիայի փլուզումն է տարածաշրջանում խաղաղության միակ հնարավորությունը». Արա Պողոսյան

Քաղաքագետ Արա Պողոսյանի ֆեյսբուքյան գրառումը. «Ամենամեծ ցավն այն է, որ Ադրբեջանը ունի և՛ ԱՄՆ-ի ու Արևմուտքի հիմնական խաղացողների օժանդակությունն ու հովանավորությունը, և՛ ի ցավոք սրտի մեզ՝ մեր դաշնակից Ռուսաստանի։
Ադրբեջանը ժամանակի ընթացքում կարողացավ ստեղծել շահերի այնպիսի գոտի, որպեսզի կարողանա օգտագործել գերտերությունների շահերը հանուն իր սեփական շահերի։
Բայց այստեղ հատկապես մեծ ներդրում ունեն Հայաստանի բոլոր ժամանակների իշխանությունները։ Նրանք բոլորը նպաստել են, որպեսզի Ադրբեջանը դառնա այն կովկասյան հրեշը, ինչպիսին այսօր է։
Ադրբեջանը կովկասյան «սև խոռոչ» է, եթե կուզեք՝ ուռուցք, որի հիմնական սնուցողը փոքրասիական մյուս «սև խոռոչն» ու չարորակ ուռուցքն է՝ Թուրքիան։
Այս երկուսի փլուզումն է միակ հնարավորությունը, որ տարածաշրջանում կարող է լինել խաղաղություն»։