«Մեծ թափ է առնում հին ստուգված մի խաբեություն». փորձագետն զգուշացնում է

Մեդիափորձագետ Սամվել Մարտիրոսյանը ֆեյսբուքյան իր էջի կարճ տեսանյութով զգուշացնում է նոր թափ առած հին խաբեությունների մասին: «Մեծ թափ է առնում հին ստուգված մի խաբեություն: ՀՀ-ում չգտնվող ձեր բարեկամներից մեկին «Ֆեյսբուքով» կամ «Ինստագրամով» գտնում են, սարքում են նրա հաշվի կլոնը, հետո գիշերով ձեզ գրում են, որ շտապ փող է պետք: Տարբեր պատճառներով: Մարդը փոխանցում է, հետո այդ գումարը գնում, կորչում է:
Իրականում հարցը շատ պարզ լուծում ունի, բացեք հաշիվը, համոզվեք, որ ձեր քեռին է, հոպարն է, զարմիկն է, և ոչ թե նոր ստեղծված կլոն: Չնայած որ այդ կլոնները շատ լավ են սարքում։ Կամ էլ զանգի կամ թեկուզ «Վայբերի», «Վոթսափ»-ի միջոցով պետք է պարզել՝ ով է ձեզ դիմողն իրականում»,- գրել է նա։