Քաղաքացիները ՄԱԿ-ից պահանջում են կաթնախառնուրդները հասցնել արցախցի երեխաներին

Քաղաքացիներն այսօր մանկական կաթնախառնուրդներ են տարել ՄԱԿ-ի երևանյան գրասենյակի բակ՝ պահանջելով այն հասցնել արցախցի մանուկներին:

ԱԺ նախկին պատգամավոր Սոֆյա Հովսեփյանը նախօրեին կոչ էր արել քաղաքացիներին՝ միանալ իր ակցիային և ՄԱԿ-ի գրասենյակի դիմաց բողոքի ձայն բարձրացնել՝ պահանջելով կաթնախառնուրդները հասցնել արցախցի երեխաներին, որոնք 8 օր է լիակատար շրջափակման մեջ են. «Ամենածանր իրավիճակն այս պահին մանկահասակ երեխաների և առողջական խնդիրներ ունեցող անձանց համար է, որոնց չի հասնում տարատեսակ դեղորայք և մանկանան կաթնախառնուրդ»,- գրել էր Հովսեփյանը։

Այսօր հայտնի դարձավ նաև, որ Ադրբեջանը բետոնե արգելապատնեշով փակել է Արցախ- Հայաստան միակ ճանապարհը, որով Կարմիր խաչն ու ռուս խաղաղապահները հումանիտար օգնություն էին հասցնում արցախցիներին: