«Տավուշում բժիշկների և ուսուցիչների պակաս կա». Ոսկան Սարգսյան

Լրագրող Ոսկան Սարգսյանի ֆեյսբուքյան գրառումը. «Տավուշի մարզի առողջապահական հիմնարկներում բժիշկ-մասնագետների պակաս է զգացվում։ Մարզում բժիշկներ կան, ովքեր վաղուց կենսաթոշակային տարիքի են, սակայն փոխարինող բժիշկ չլինելու պատճառով շարունակում են աշխատել։ Տավուշի մարզպետ Հայկ Ղալումյանին տեղեկատվական հարցում եմ ուղարկել, հարցնելով, թե մարզպետարանի ենթակայության տակ գործող առողջապահական հիմնարկներում քանի՞ կենսաթոշակառու բժիշկ է աշխատում, այդ բժշկական հիմնարկությունները ի՞նչ կադրերի պակաս ունեն։ Մարզպետարանից ստացված գրավոր պատասխանում նշված է, որ Տավուշի մարզպետարանի ենթակայությամբ գործում է 21 բժշկական հաստատություն, դրանց աշխատակիցների ընդհանուր թիվը 638 է, որից կենսաթոշակի տարիքի են 96-ը։
Բժիշկերի պակասությունն առկա է առողջապահական հետևյալ հիմնարկներում՝
«Իջևանի ԲԿ» - մանկական անեսթեզիոլոգ-ռեանիմատոլոգ-1 հաստիք, շտապ օգնության բժիշկ-4, քիթ-կոկորդ-ականջաբան-1, «Իջևանի ԱԱՊԿ»-ընտանեկան բժիշկ-2, «Արծվաբերդի ԱԿ» ՊՈԱԿ-մանկաբույժ-1, «Մովսեսի ԱԱՊԿ» ՊՈԱԿ--մանկաբույժ-1, «Նոյեմբերյանի ԲԿ» ՓԲԸ- թերապևտ-1, հեմոդիալիզի բժիշկ-1, նյարդաբան-1, սրտաբան-1, մանկաբույժ-1, վիրաբույժ-1, շտապ օգնության բժիշկ-1, «Բագրատաշենի ԳԲԱ» ՊՈԱԿ- ընտանեկան բժիշկ-1, ինչպես նաև՝ 4 ընտանեկան բժիշկ-տնօրեն՝ Ներքին Կարմիրաղբյուրի, Արծվաբերդի, Խաշթառակի, Ազատամուտի ԱԱՊԿ-ներում։
Սահմանամերձ մարզում նաև ուսուցիչների պակաս կա;
Տավուշի մարզի հանրակրթական 76 դպրոցներում, ընդհանուր առմամբ, աշխատում են 1830 ուսուցիչ և ուսուցչի օգնական։ Նրանցից 1722-ն ունի բարձրագույն մանկավարժական կրթություն, 173-ը՝ բարձրագույն ոչ մանկավարժական կրթություն, 113-ը՝ միջին մասնագիտական կրթություն։ Մարզի հանրակրթական դպրոցներում առկա է ուսուցչի 27 թափուր հաստիք՝ տարբեր առարկաների գծով»: