Պուտինը Պրիգոժինի գործողություններն անվանել է «հարված՝ թիկունքից»

Ռուսաստանի նախագահ Վլադիմիր Պուտինը «Վագներ» մասնավոր ռազմական խմբի ղեկավար Եվգենի Պրիգոժինի գործողություններն անվանել է «հարված՝ թիկունքից»։ Նա հայտարարել է, որ բոլոր նրանք, ովքեր կանգնած են ռազմական ապստամբության հետևում, անխուսափելիորեն պատժվելու են։ «Ռուսաստանը ծանր պայքար է մղում իր ապագայի համար. գործողությունները, որոնք պառակտում են մեր միասնությունը, դավաճանություն են ժողովրդի, մարտական ընկերների նկատմամբ: Որոշվում է մեր ժողովրդի ճակատագիրը, որը պահանջում է բոլոր ուժերի համախմբում, միասնականություն. պետք է մի կողմ դնել ամեն ինչ... Ներքին իրարանցումը հարվածում է Ռուսաստանի Դաշնությանը, նման սպառնալիքից հայրենիքը պաշտպանելու գործողությունները կոշտ են լինելու»,- ասել է Պուտինն՝ իր ուղերձում: