Բելառուսի ընդդիմությունը բացատրել է, թե ինչու է Լուկաշենկոն բանակցել Պրիգոժինի հետ

«Վագներ»-ի հիմնադրի հետ բանակցություններում մասնակցել է Լուկաշենկոն, քանի որ վերջինը շուրջ 20 տարի՝ անձնապես ճանաչում է Պրիգոժինին, այս մասին լրագրողների հետ զրույցում հայտնել էր ՌԴ նախագահի մամուլի քարտուղար Դմիտրի Պեսկովը։

Բելառուսի ընդդիմության ներկայացուցիչն իր հերթին բացատրել է, թե ինչու է հենց Լուկաշենկոն բանակցել Պրիգոժինի հետ: Սվետլանա Տիխանովսկայայի մամուլի քարտուղարի խոսքով՝ Կրեմլի ղեկավարն այդպիսով ձգտել է խուսափել Պրիգոժինին տված պայմանավորվածությունների ու խոստումների պատասխանատվությունից. «Նման դեպքերում ավելի հարմար է խոստանալ ոչ թե իր, այլ Ալեքսանդր Լուկաշենկոյի շուրթերով։ Այդ դեպքում հնարավոր կլինի ամեն ինչ բարդել նրա վրա»,- նշել է Աննա Կրասուլինան։