Երկուշաբթի, 20 ապրիլի, 2026 թ.
|
Ստեփանակերտում`   +8 °C

Լուկաշենկոն խոսել է Պուտինի հետ

Լուկաշենկոն խոսել է Պուտինի հետ
2160
Կիրակի, 25 հունիսի, 2023 թ., 20:54

Հունիսի 25-ի առավոտյան Բելառուսի նախագահ Ալեքսանդր Լուկաշենկոն հեռախոսազրույց է ունեցել իր ռուս գործընկեր Վլադիմիր Պուտինի հետ, հայտնում է BelTA-ն՝ Բելառուսի ղեկավարի մամուլի ծառայությանը հղումով։

Լուկաշենկոն և Պուտինը խոսել են նաև նախօրեին՝ քննարկելով իրավիճակը Ռուսաստանում, որը ձևավորվել է «ՎԱԳՆԵՐ» ՄՌԸ-ի հիմնադիր Եվգենի Պրիգոժինի գործողությունների պատճառով։ Լուկաշենկոն բանակցել է վերջինիս հետ, արդյունքում կողմերին հաջողվել է պայմանավորվել, Պրիգոժինը հայտարարել է, որ վագներցիները վերադառնում են թիկունքի ճամբարներ։

Լուկաշենկոն հեռախոսազրույց է ունեցել նաև Ղազախստանի առաջին նախագահ Նուրսուլթան Նազարբաևի հետ։ Քննարկվել են միջազգային իրավիճակը, իրավիճակը տարածաշրջանում և բելառուսա-ղազախական հարաբերությունները։ Բանակցությունների ավարտից հետո Պուտինն ու Լուկաշենկոն կրկին խոսել են, իսկ ՌԴ նախագահը շնորհակալություն է հայտնել բելառուս գործընկերոջը օգնության համար։

Կրեմլը Պեսկովի շուրթերով վստահեցրել է, որ «Վագներ»-ի մարտիկները պատասխանատվության չեն ենթարկվի, Պրիգոժինի դեմ զինված ապստամբություն կազմակերպելու վերաբերյալ քրեական գործը (ՔՕ 279-րդ հոդված) կկարճվի, և նա ինքը կկարողանա մեկնել Բելառուս։ Թե ինչ դիրքորոշում նա կզբաղեցնի այնտեղ, Կրեմլում չեն հստակեցրել։