«Վագներականները ոչ մեկին չեն վնասել». ՌԴ Պետդումայի պաշտպանության կոմիտեի ղեկավար

Ռուսաստանի Պետդումայի պաշտպանության կոմիտեի ղեկավար Անդրեյ Կարտոպոլովը հայտնել է, որ օրենսդիր մարմինը պահանջներ չունի «Վագներ»-ից։

«Ոչ մեկին չեն վիրավորել, ոչինչ չեն կոտրել. ոչ ոք նրանց նկատմամբ նվազագույն պահանջ չունի՝ ոչ Ռոստովի բնակիչները, ոչ Հարավային ռազմական օկրուգի զինվորականները, ոչ իրավապահ մարմինները»,- ասել է Կարտոպոլովը։ Նա չի մեկնաբանել զոհված ռուս զինվորականների և ոչնչացված ինքնաթիռների մասին տեղեկությունները։

Պատգամավորի խոսքով՝ պետք է տարբերակ գտնել վարձկանների ներուժն «առավելագույնս, բայց խաղաղ նպատակներով» օգտագործելու համար. «Երևի պետք է ղեկավարություն փոխել։ Դնել մեկին, ով ավելի հավատարիմ կլինի»: