«ԱԺ-ում այդ անառողջ գզվռտոցը իշխանության վարկանիշի վրա ընդհանրապես չի ազդում». Արման Աբովյան

ԱԺ նախկին պատգամավոր Արման Աբովյանը ֆեյսբուքյան իր էջում գրել է. «Պետք չէ զարմանալ, զայրանալ, բորբոքվել այն խայտառակությունից, որը կատարվում է ԱԺ ում։
Սա, ցավոք բնականոն երևույթ է, քանզի հնարավոր չէ, որ մի երկրում որտեղ ըստ էության ոչնչացված է հիմնական պետական «ինստիտուների» ծիսային (սակռալ) ընկալումը հասարակության կողմից, դա չարտահայտվի օրինակ ԱԺ ում։
Անվերջ ներքին և արտաքին ստորացումները, որոնց մեջ անընդմեջ ապրում է Երկիրը, Ազգը և հասարակությունը ամենուր թելադրում է այն տրամադրությունները, որոնց մենք ականատես եղանք այսօր ԱԺ ում։
Պարզապես գոյություն ունի մի «նյուանս, այս անառողջ գզվռտոցը ԱԺ ում իշխանության վարկանիշի վրա ընդհանրապես չի ազդում, իսկ պառլամենտական ընդդիմությանը ուղղակի «քամում» է ամենաբացասական առումով»: