«Ոստիկանական հրոսակները խուլիգանական պահվածքով բռնությունների են ենթարկել երիտասարդներին». Ժ. Ալեքսանյան

Իրավապաշտպան Ժաննա Ալեքսանյանը ֆեյսբուքյան իր էջում գրում է. «Ոստիկանությունը շարունակում է ասպատակել երևանյան փաբերը՝ ակումբները, թմրանյութ փնտրելու պատրվակով։ Հունիսի 23-ի գիշերը ոստիկանական հրոսակները գրոհել են «Բան» ակումբը, որն ուղեկցվել է հերթական բեսպրեդելով, խուլիգանական պահվածքով, սեռական բնույթի հայհոյանքներ, երիտասարդներին բռնությունների են ենթարկել, նվաստացրել։
Ճիշտ այնպես, ինչպես Պոլիգրաֆ ակումբի դեպքում։ Երկու ամիս էլ դեռ չի անցել այդ դեպքից և բազմաթիվ բռնոսւթյունների դեպքերի կրկնություն։ Փաստորեն, ՆԳՆ նախարար Վահե Ղազարյանը պնդում է, որ ինքն այլ կերպ չի կարող աշխատել։ Նախարարի այս պնդումը անկեղծ է։ Նրա դեմքից էլ դա երևում է։ Իսկ ինչ են խոսում Փաշինյանի հետ այս թեմաներով, թե չեն խոսում»։