«Բանակցություններից ընդամենը երկու-երեք օր առաջ սկսվում է այսպիսի տերմին շրջանառվել». Կարեն Հովհաննիսյան

Ռազմական փորձագետ Կարեն Հովհաննիսյանը ֆեյսբուքյան իր էջում գրում է․ «Բաքվի բռնապետի անձնական օգտագործման մեդիադաշտը մի քանի օր է, ինչ օգտագործում է մի տերմին՝ ներկայացնելով Արցախի բնակչությանը։
Արցախի բնակչության մասին արտահայտվելիս ասում են՝ ՀՀ քաղաքացիներ։
Այս տերմինի տակ թաքնված մի վտանգավոր երևույթ, որի անունը տեղահանության լեգիտիմություն է։
Առջևում բանակցություններ են, և բանակցություններից ընդամենը երկու-երեք օր առաջ սկսվում է այսպիսի տերմին շրջանառվել։
Մենք ոչ թե պետք է ապացուցենք, որ Արցախահայությունը ՀՀ քաղաքացիներ չեն, ոչ թե պետք է ապացուցենք, որ բնիկներ են, այլ պարզապես պետք է ահազանգենք, թմբկահարենք ամեն տեղ, որ այս տերմինալոգիայով Բաքվի բռնապետը պատրաստվում է հերթական ռազմական հանցագործությանը»: