«Այլ պետության դրոշը սեփական էջի գլխավոր նկարին ամրացրածը ուրիշներից պահանջում է իրեն սպասարկել իր «պետական» լեզվով». Վահե Գրիգորյան

Իրավաբան Վահե Գրիգորյանի ֆեյսբուքյան գրառումը. «Իհարկե, բարոյականության ու հայրենասիրության հետ որևէ աղերս չունի այն, որ այլ պետության դրոշը սեփական էջի գլխավոր նկարին ամրացրածը ուրիշներից պահանջում է իրեն սպասարկել իր «պետական» լեզվով ու դա փորձում է ներկայացնել «հայրենասիրական սոուզ»-ով:
Այո, Ես դեմ եմ, որ Հայաստանում չսպասարկեն Հայերենով, բայց օտարամոլի կողմից նման պահանջը ու առավել ևս դրա հանրայնացումը ոչ այլ ինչ է, քան էժանագին փիառ:
Իմիջիայլոց, առիթից օգտվելով մի փոքր էլ կրթեմ ձեզ.
1) ՀՀ պետական լեզուն Հայերենն է, սա ՊԵՏՈՒԹՅԱՆ լեզուն է և ոչ մասնավոր հատվածի, մասնավոր հատվածը ուղղակի ունի որոշակի պարտականություններ, օրինակ՝ գովազդի հետ կապված:
2) «Պետական լեզվի մասին» օրենք գոյություն չունի,
3) Գոյություն ունի «Լեզվի մասին ՀՀ օրենք», որի 4-րդ հոդվածի 1-ին մասի համաձայն՝
«Հայաստանի Հանրապետության տարածքում գտնվող ձեռնարկությունները, հիմնարկները և կազմակերպությունները այլ երկրների պետական մարմինների, ձեռնարկությունների, հիմնարկների, կազմակերպությունների և քաղաքացիների հետ հաղորդակցվում են փոխադարձաբար ընդունելի լեզվով»: