«Սա հերթական քաղաքական հետապնդումն է իմ նկատմամբ». Նարեկ Մանթաշյան

«Հայաստան» դաշինքի անդամ Նարեկ Մանթաշյանի ֆեյսբուքյան գրառումը. «Տեղեկացնում եմ, որ երեկ ժամը 16:50-ի սահմաններում համայնքային ոստիկանն այցելել է մեր տուն և կնոջս միջոցով զանգել ինձ ու տեղեկացրել, որ նույն օրը ժամը 17:00-ին, այսինքն 10 րոպե հետո, պիտի ներկայանամ Կենտրոնի քննչական բաժին՝ որպես վկա հարցաքննության: Քանի որ տեխնիկապես արդեն անհնար էր հասցնել, խնդրեցի ծանուցագրից թելադրել քննիչի հեռախոսահամարը: Քննիչի հետ խոսեցի, պարզվեց՝ ունեմ դեռ վկայի կարգավիճակ (կասկածվող վկայի), խոսակցությունից հասկացա, որ մեղադրանք է առաջադրվելու:
Այսօր 18:00-ին ներկայանալու եմ հարցաքննության, ըստ իմ նախնական տեղեկատվության և քննչական կոմիտեի իմ աղբյուրի, ինձ մեղադրանք է առաջադրվելու դատարանի նկատմամբ անհարգալից վերաբերմունքի հոդվածով:
Սա հերթական քաղաքական հետապնդումն է իմ նկատմամբ՝ մի խելացնոր, իշխանատենչ մարդու անմիջական ցուցումով, որը ջղաձգվում է՝ հասկանալով, որ մեզ քրգործերով կամ կալանքներով վախեցնելն անհնար է:
Քննչական գործողության ավարտից հետո, երեկոյան կներկայացնեմ գործի մանրամասները»: