«Որոշ սուբյեկտներ կամ գուցե օբյեկտներ այլ հերոսի անուն չգիտե՞ն». Արսեն Թորոսյան

Առողջապահության նախկին նախարար, ՔՊ խմբակցության պատգամավոր Արսեն Թորոսյանը գրել է. «Ինձ շատ հետաքրքիր է՝ որոշ սուբյեկտներ կամ գուցե օբյեկտներ այլ հերոսի անուն չգիտե՞ն։
Հիմա էլ պարզվում է՝ ես սրտաբանական կլինիկայի ստվերային ղեկավար եմ, մինչ դա էլ պետական ֆիզիոթերապևտիկ կլինիկա էի ձեռք բերում, դրանից առաջ էլ մի ուրիշ բան։
Դե էլ քովիդի միլիարդների մասին չխոսեմ, որոնցով ոչ մի վարակված քաղաքացի ոչ բուժվել է, ոչ էլ փրկվել, ընդհանրապես ոչ մի բան էլ չի արվել դրանց շրջանակներում։
Հ.Գ. ազնիվ խոսք Մարքսի «Կապիտալը» ես չեմ գրել, բայց եթե չեք հավատում՝ կարելի է քրգործ հարուցել և ստուգել օպերատիվ հետախուզական միջոցառումների միջոցով»: