«Ո՞վ ես դու, ա՛յ պատահական փողոցից մարդ, որ խախտես մեր Սահմանադրությունն ու օրենքները». Էդգար Ղազարյան

Լեհաստանում Հայաստանի նախկին դեսպան, հասարակական, քաղաքական գործիչ Էդգար Ղազարյանը, «Ռեվյու» հաղորդման եթերում շարունակելով հուլիսի 5-ին սպասվող հանրահավաքի թեման, ասել է, որ նպատակը Նիկոլ Փաշինյանին իշխանությունից հեռացնելն է. «Հիմա ես որպես քաղաքացի հարցնում եմ՝ ո՞վ ես դու, ա՛յ պատահական փողոցից մարդ, ո՞վ է քեզ իրավունք տվել խախտել մեր երկրի Սահմանադրությունն ու օրենքները, անարգել պետության խորհրդանիշերը: Ցանկացածը պետք է կանգնի, ասի՝ քեզ մարդիկ ընտրել են, որ դու իրենց անվտանգությունը, բարեկեցությունն ապահովես, ոչ թե ձմերուկ ուտելուց տուգանես: Եթե պահում է իշխանությունը միայն բռնությամբ, ապա ականջները շոյելով էլ պետք է հեռացնել իշխանությունից»,- նշել է բանախոսը: