«Վստահություն չունեմ Արցախի նախագահի նկատմամբ». Մետաքսե Հակոբյան

«Արցախի իշխանություններն ու մասնավորապես նախագահը վերջին ժամանակներում իրեն էնպես է պահում, որ ընդհանրապես վստահություն չունեմ այդ անձի նկատմամբ. հայտարարությունները, ուղերձները լրիվ այլ են, գործողություններն ու պահվածքը՝ լրիվ հակառակը: Հայտարարություններում, ուղերձներում հայրենասիրության, պաթոսի, պոպուլիզմի պակաս ընդհանրապես չկա, բայց գործողությունները դրա հակառակն են ասում»,- «Ռեվյու» հաղորդման եթերում ասել է Արցախի ԱԺ «Արդարություն» խմբակցության պատգամավոր Մետաքսե Հակոբյանը՝ անդրադառնալով նաև Արցախի ԱԺ վերջին նիստին. «Երկրի նախագահը եկել էր մեկ տարվա կատարած աշխատանքի մասին խոսելու, բայց չարեց, իսկ մեր ելույթներին ի պատասխան՝ ասաց, որ ինքը եկել էր անկեղծ զրույցի, իսկ մենք տանում ենք քաղաքական ուղղվածության. սա երկրի նախագահի պատասխանն է: Վստահել քո սեփական անվտանգությունն այդ անձին, դա ընդունելի չէ...»,- հավելել է Հակոբյանը: