Ուկրաինացիները վերահսկողության տակ են վերցրել Բախմուտի շրջակայքի հիմնական բարձունքները

Ուկրաինայի պաշտպանության ուժերը կարողացել են գրավել Դոնեցկի մարզի Բախմուտ քաղաքի մոտակայքում գտնվող գլխավոր հրամանատարական բարձունքները և մի քանի օր շարունակ կրակի տակ են պահել քաղաքը։ Այս մասին «Թելեգրամ»-ում հայտնել է Ուկրաինայի պաշտպանության փոխնախարար Աննա Մալյարը։

Նրա խոսքով՝ Ուկրաինայի Զինված ուժերը կրակային հսկողության տակ են պահում ռուսների բոլոր մուտքերը, ելքերը և քաղաքի շուրջ տեղաշարժերը։ Մալյարը նշել է, որ դա հնարավոր է դարձել այն բանի շնորհիվ, որ առաջ շարժվելով՝ Ուկրաինայի պաշտպանության ուժերը վերահսկողության տակ են վերցրել Բախմուտի շրջակայքում գտնվող հիմնական գերիշխող բարձունքները։