«Շրջանառվում է Նեթանյահուի գլխավորած կոալիցիայի փլուզման հնարավորությունը». Արմեն Պետրոսյան

Արևելագետ Արմեն Պետրոսյանը ֆեյսբուքյան իր էջում տեսանյութ է տարածել՝ մասնավորապես գրելով հետևյալը. «Անցյալ գիշեր Իսրայելի խորհրդարանի կողմից վիճահարույց դատական բարեփոխումների առանցքային օրինագծերից մեկի՝ առաջին ընթերցմամբ ընդունումից հետո, Իսրայելում բողոքի մասշտաբային գործողություններ են նախաձեռնվել։
Փորձագիտական դաշտում ակտիվորեն շրջանառվում է նաև վարչապետ Բենյամին Նեթանյահուի գլխավորած կոալիցիայի փլուզման հնարավորությունը։
Տարբեր վերլուծությունների համաձայն՝ Իսրայելում մեկնարկած հակակառավարական շարժումն իր ծավալներով կարող է համեմատվել Ֆրանսիայում անցած օրերին տեղ գտած անկարգությունների հետ»: