«Հայաստանն առանց դաշնակից է մնացել». Ոսկան Սարգսյան

Լրագրող Ոսկան Սարգսյանի գրառումը. «Պատերազմով վախեցնում են նրանք, ովքեր իրենց ձախողված բանակցություններով, Ալիևի հետ թաքուն հանդիպումներով, ԵԱՀԿ Մինսկի խմբի 20 տարվա միջնորդական ջանքերը ջուրը գցելով, Ստեփանակերտի Վերածննդի հրապարակում «Արցախը Հայաստան է և վերջ» սադրիչ հայտարարությամբ, 2 դիրքի համար 2020թ․ հուլիսին Տավուշի սահմանագոտում հարձակում ու մարտեր սկսելով, պատերազմին չնախապատրաստվելով՝ տարօրինակ պատերազմ ու պարտություն բերեցին մեր ազգի գլխին ու խայտառակ կապիտուլյացիայով մեծ տարածքներ հանձնեցին։ Ադրբեջանը կարող է նոր պատերազմ սկսել, եթե աշխարհաքաղաքական կենտրոններից, մասնավորապես՝ Ռուսաստանից և ԱՄն-ից պատերազմ սկսելու թույլտվություն ունենա: Ավելի քան 5 տարի իշխանություն եք, արտերկրից զենք չեք կարողանում գնել, Հայաստանն առանց դաշնակից է մնացել, իշխանություն եք մնում, որ ի՞նչ անեք, պետական բյուջեից ինքներդ ձեզ ճոխ պարգևատրե՞ք»: