Բլինքենն Ալիևի հետ զրույցում ընդգծել է Լաչինի միջանցքով ազատ տեղաշարժի կարևորությունը

ԱՄՆ պետքարտուղար Էնթոնի Բլինքենը բանակցություններ է վարել Ադրբեջանի նախագահ Իլհամ Ալիևի հետ, այս մասին հայտնում է ԱՄՆ պետդեպարտամենտի մամուլի ծառայությունը։ «Պետքարտուղար Էնթոնի Բլինքենը խոսել է Ադրբեջանի նախագահ Իլհամ Ալիևի հետ Հայաստան-Ադրբեջան խաղաղ բանակցություններին ԱՄՆ-ի աջակցության և քննարկումներում ճկունության ու փոխզիջման անհրաժեշտության մասին։ Պետքարտուղարն ընդգծել է Լաչինի միջանցքով առևտրային, հումանիտար և մասնավոր տրանսպորտային միջոցների ազատ տարանցման անհրաժեշտությունը»,- ասվում է հայտարարության մեջ։