«Գործ ունենք գլխակեր երթուղու հետ». Տիգրան Շահբազյան

Ներգնա տուրիզմի մասնագետ, ճանապարհորդ Տիգրան Շահբազյանը (Տիգրան Վարագ) ֆեյսբուքյան իր էջում գրել է. «Հայաստանի ամենավտանգավոր գագաթն Արագածի Արևմտյան գագաթն ա։ Ոչ թե ամենադժվար, այլ ամենավտանգավոր։ Վտանգը ոչ թե երթուղու երկարությունն ա, ոչ էլ վերելքի անկյան թեքությունը։ Վտանգը կայանում ա նրանում, որ էս երթուղու վրա կա քարաթափման վտանգ և, քանի որ Հայաստանում լեռնային վերելքները ոչ մի ձև չեն կարգավորվում, չկա կապ ոչ մի գերատեսչության, ոչ մի խմբի միջև, գործ ունենք գլխակեր երթուղու հետ։ Օրինակ կան էլի լեռներ որոնց ճանապարհին հանդիպում ես բազմաթիվ զբոսաշրջիկների, բայց մեկը մյուսի կյանքի համար վտանգ չի ներկայացնում։
Արևմտյան գագաթի դեպքում ունենք շատ լուրջ խնդիր։ Խմբերը բարձրանում են իրարից անտեղյակ, տարբեր տեմպով, տարբեր ժամերի, մեկը բարձրանում ա, մյուսը իջնում ա, մեկը բառիս բուն իմաստով վազվզում ա երթուղուց դուրս ու սկսում ա քարեր գլորել ներքևում գտնվող մարդկանց վրա։ Մանավանդ հիմա շատացել են անկանոն խմբեր, որոնք ընդհանրապես լեռնագնացությունից տեղյակ չեն։ Մասնավորապես մի քանի հոգանոց խմբեր, որտեղ չկա ոչ խմբի ղեկավար, ոչ էլ կարգ ու կանոն։ Մեկ էլ տեսնում ես վազելով գնում են քարից քար իրենց հետևից փոշի հանելով։
Կոչ եմ անում բոլորին հնարավորության դեպքում Հարավային-Արևմտյան թամբին փորձել միասին կարգավորել վերելքները։ էս երթուղու գլխավոր վտանգը վերևից ներքև քար գլորելն ա։ Տասնյակ ու հարյուրավոր կիլոյանոց քարեր կարող են գլորվել, որի տակից դուրս չենք գա։ Անցած տարի մի քանի ռուս վերևը նենց էին վազվզում մարդաբոյ քարեր էին գլորվում ներքև»։