«Ես չեմ կարող պատասխանել Նիկոլ Փաշինյանի փոխարեն». Արցախի նախագահի խորհրդական

ՀՀ-ում Ֆրանսիայի դեսպանատան դիմաց՝ հաջակցություն Արցախի ընթացող ակցիայի ժամանակ, լրագրողներն Արցախի Հանրապետության նախագահի խորհրդականին հարցրին՝ ՀՀ վարչապետը հայտարարել է, որ ճանաչում է Ադրբեջանի տարածքային ամբողջականությունը, որը ներառում նաև Լեռնային Ղարաբաղը, համաձա՞յն եք այդ հայտարարության հետ: «Տվյալ հարցի պատասխանը բազմիցս ամրագրվել է Արցախի նախագահի, Կառավարության, ԱԺ-ի հայտարարություններում: Արցախն իրեն չի տեսնում Ադրբեջանի կազմում»,- ասաց Վլադիմիր Գրիգորյանը: Հարցին՝ այդ դեպքում Փաշինյանն ինչո՞ւ է անտեսում դա, նշեց. «Հարցն ինձ չպետք է ուղղել, ես չեմ կարող պատասխանել Նիկոլ Փաշինյանի տեղը»: