Եվրոխորհրդարանի հանձնաժողովը Թուրքիային կոչ է արել ճանաչել Հայոց ցեղասպանությունը

Եվրոխորհրդարանի արտաքին հարաբերությունների հարցերով հանձնաժողովն ընդունել է զեկույց, որն «աջակցում է Հայաստանի և Թուրքիայի միջև հարաբերությունների կարգավորմանը՝ ի շահ հաշտեցման, տարածաշրջանային կայունության և անվտանգության, կոչ է անում իրականացնել հատուկ ներկայացուցիչների կողմից ձեռք բերված պայմանավորվածությունները, կոչ է անում Թուրքիային՝ ճանաչել Հայոց ցեղասպանությունը՝ թուրք և հայ ժողովուրդների միջև հաշտեցման ճանապարհ հարթելու համար»: Այս մասին տեղեկանում ենք ԵՄ-ում ՀՀ առաքելության էջից: