«Տնօրենին ասացի՝ ինչու է միայն ռուսերեն, ասում է՝ ես խնդիր չեմ տեսնում». Արսեն Օհանյան

«Առողջապահական ԾԻԳ» պետական հիմնարկի փոխտնօրեն Արսեն Օհանյանը ֆեյսբուքյան իր էջում գրել է. «Երկու օր առաջ մտա Աբովյան քաղաքի «Դոբրոցեն» սուպերմարկետը, տեսա էս: Կանչում եմ մենեջերին, ասում եմ՝ ինչի՞ ա մենակ ռուսերեն, ասում ա՝ դե ռուսական խանութների ցանց ա, ասում եմ՝ դա կապ չունի, խանութը Հայաստանում ա գտնվում, պետք ա հայերեն էլ լինի, ասում ա՝ հա, կավելացնենք:

Էսօր էլի մտա, տեսնեմ՝ նույն վիճակն ա: Տնօրենը երևաց, նույնն իրեն եմ ասում, ասում ա՝ դե ռուսական ցանց ա, ասում եմ՝ կապ չունի, խանութը Հայաստանում ա գտնվում, պետք ա հայերեն էլ լինի, ասաց՝ ես խնդիր չեմ տեսնում, ասացի՝ շատ վատ ա, որ խնդիր չեք տեսնում:
Լեզվի կոմիտե, ստեղ անելիք ունեք»: