«Տապալված ազգերի հետ միասին բնաջնջվելու են նաև նրանց իշխանավորները». Կիվիրյան

Վերլուծաբան Արգիշտի Կիվիրյանը ֆեյսբուքյան իր էջում գրել է. «Մի հատ ռուս արքա կար՝ Բորիս Գոդունովը, որը, չունենալով ոչ մի իրավունք, կարողացել էր զավթել իշխանությունն ու իրեն օծել արքա։ Դե վերջը շատ վատ եղավ, իր մահից հետո կնոջն ու տղային սպանեցին, աղջկան բռնաբարեցին, ինքն էլ, դե, մի շարք պատմաբանների կարծիքով կյանքին վերջ էլ տվել թույն խմելով։ Ամենավերջում, մահից առաջ, հասկանալով՝ ինչպիսի բեռ է թագը, իշխանությունը, արտասանել է իր հայտնի խոսքերը՝ Тяжела ты, шапка Мономаха։ Մոնոմախի գլխարկը այն թագն էր, որով օծում էին ռուս արքաներին։ Հիմա հայկական իրականության մեջ շատերը մտածում են, որ հիմա էլ այն հին և բարի ժամանակներն ա, որ իշխանությունը զուտ տրված ա նրա համար, որ ինչքան կարան բյուջեն քերեն, հարստանալով ու ապահովելով իրենց գերդաստանները յոթ պորտ։ Չէ, իմ սիրելի ագահ ու բթամիտ երեխաներ, մենք մտնում ենք պատմական դաժանագույն մի փուլ, որ հին ժամանակների նման տապալված ազգերի հետ միասին բնաջնջվելու են նաև նրանց իշխանավորները։ Քիչ մնաց, մի քիչ էլ սպասեք, մեկա դուք խելքի եկողը չեք»: