«Դրոշը խփեմ ավտոյիս, մտնեմ Ադրբեջան, դառնամ քաղաքացի, մենակ տղուս տան». անհետ կորածի հայր

«Փաշինյանը բաներ էր խոստանում, ասում էր՝ իմ տղուն տամ, գերիներին բերեմ, թող տա: Ձև էր: Ինչքա՞ն կարելի է էսպես, ստիպում են մարդկանց՝ գնալ քայլերի: Հնարավոր ա դրոշը խփեմ ավտոյիս, մտնեմ Ադրբեջան, ասեմ՝ ուզում եմ լինել Ադրբեջանի քաղաքացի, ասեմ՝ տղուս տվեք, իրա հետ մնամ ստեղ՝ ապրեմ»,- Կառավարության շենքի մոտ ընթացող բողոքի ակցիայի ժամանակ ասաց Էջմիածնի «Քիմիկների զորամասի» անհետ կորած զինծառայողի հայրը՝ հավելելով, որ այլևս կորցնելու բան չունի: «3 տարի սպասում ենք, քնցնում են գործը, ոչ դատ են անում, ոչ բան»,- նշեց նա:

Հիշեցնենք՝ 44-օրյա պատերազմի թեժ շրջանում «Քիմիկների զորամասի» զինծառայողների զոհվելու, գերեվարվելու և անհետ կորելու վերաբերյալ քրեական գործով դատական նիստերն ընդմիջման մեջ են։