«Աշոտյանը՝ «օրինախախտ», թե՞ «քաղբանտարկյալ»». Աննա Մկրտչյան

ԱԺ «Պատիվ ունեմ» խմբակցության պատգամավոր Աննա Մկրտչյանի գրառումը. «Իշխանազավթ վարչամեքենան պարտվել է «Աշոտյանը՝ օրինախախտ», թե «Աշոտյանը՝ քաղբանտարկյալ» մարտում:
Դրա մասին է վկայում մեր շուրջը կատարվող ամեն ինչը՝ հարցադրումներից մինչև գնահատականներ, Երևանով մեկ տարածված Աշոտյանի նկարներից մինչև սոցիոլոգիական հարցումներ:
Հասարակության համար պարզ է, որ ՀՀԿ փոխնախագահին ազատազրկել են զավեշտալի պատրվակով, բայց բացառապես քաղաքական նկատառումներով:
Այս իրավիճակում հատկանշական է, որ նման քաղաքական գործչի ապօրինի կալանքը, որքան էլ տարօրինակ հնչի, բայց հնարավորություն է տալիս վաղվա իշխանություններին կալանավորել նիկոլի թիմից յուրաքանչյուրին:
նիկոլի պետական դավաճանություններից թաքնվելու, դրանց համար պատասխանատու չլինելու համար իշխանազավթ թիմի ներկայացուցիչների արդարացումը լինելու է՝ մասնակից չլինելու և որոշում չկայացնելու պարզունակ դերակատարման ստանձնումը:
Բայց արդյո՞ք հաջորդ իշխանությանը պետք կլինեն այդ արդարացումներն ու որպես նախադեպ չեն ծառայեցնի Աշոտյանի կալանքը:
Եթե առանց զրո հիմնավորմամբ կարելի է կալանավորել Աշոտյանին, ուրեմն վաղն էլ կարելի է առանց երկար բարակ «քննություն» անելու կալանավորել քպ-ական տարբեր էշելոններում վեր ընկածներին՝ նայած թե այդ պահին ով կհայտնվի ձեռքի տակ:
Չնայած քպ-ականներին դժվար կլինի պատկերացնել Աշոտյանի դերում, որովհետև իշխանազավթների մասին հայտնի դարձած կոռուպցիոն ռիսկերի, պաշտոնական դիրքի չարաշահումների, շահերի բախումների իրավիճակների մասին տեղեկատվությունն արդեն իսկ բավարար են:
Դժվար չէ պատկերացնել, որ իշխանազավթման ավարտից հետո նիկոլի պաշտոնյաները կլինեն քննչական գործողությունների մասնակից: Կարծում եմ՝ այդ ժամանակ այլևս որևէ մեկին չի հետաքրքրի, թե ինչ որակի քննության տակով կանցնեն դրանք»: