«Խնդրում ենք անհապաղ միջազգային միջամտություն». Արցախի ՄԻՊ

ԱՀ ՄԻՊ Գեղամ Ստեփանյանը թվիթերյան իր էջում ահազանգում է. «Արցախում (Լեռնային Ղարաբաղ) մարդասիրական իրավիճակը ժամ առ ժամ վատանում է: Բոլոր խանութներն ու մթերային ապրանքները դատարկ են։ Սննդի և առաջին անհրաժեշտության ապրանքների իսպառ բացակայությունը տառապանք է պատճառում 120,000 մարդու, այդ թվում՝ 30,000 երեխայի։ Օմբուդսմենի գրասենյակը տեղից զեկուցում է՝ փաստագրելով մարդասիրական աղետալի հետևանքները և խնդրելով անհապաղ միջազգային միջամտություն»։