«Ակցիան պետք է անհապաղ նախաձեռնի Հայաստանի կառավարությունը». Վահրամ Աթանեսյան

Քաղաքական վերլուծաբան Վահրամ Աթանեսյանը ֆեյսբուքյան իր էջում գրում է. «ԱՄՆ քանի՞ նահանգ է ճանաչել Արցախի ինքնորոշման իրավունքը, արտերկրից քանի՞ քույր քաղաք ունի Արցախը։ Որտե՞ղ են Հայաստանի դիվանագիտական ներկայացուցչությունները, Սփյուռքի հանձնակատարը, Սփյուռքի հայկական կառույցները, լոբբիստները։ Անհապաղ պետք է ոտքի կանգնեցնել բոլորին՝ Ստեփանակերտի հետ ստեղծելու օդային կամուրջ։ Օդանավերը կարող են կրել ՄԱԿ-ի կամ ԿԽՄԿ տարբերանշանները։ Միացյալ Նահանգները Ֆրանսիան և ՌԴ-ն՝ որպես ԵԱՀԿ ՄԽ համանախագահ երկրներ, որոնց տասնամյակների անգործության պատճառով է նաև սկսվել աղետալի պատերազմը, պարտավոր են դիվանագիտական նոտայով Ադրբեջանի իշխանություններին ծանուցել, որ կազմակերպում և սկսում են դեպի Արցախ մարդասիրական բեռնափոխադրումներ՝ օգտագործելով Ստեփանակերտի օդանավակայանի հնարավորությունները։ Ակցիան պետք է անհապաղ նախաձեռնի Հայաստանի կառավարությունը»։