Ադրբեջանում քաղաքացին ցած է նետվել դատախազության պատուհանից

Հուլիսի 19-ին Տուրալա Ասլանովան (ծնված 1991 թ.) հրավիրվել է Ադրբեջանի Մինգեչևիր քաղաքի դատախազություն՝ հարցաքննության՝ մի քանի անձանցից 413.000 մանաթ գումարի յուրացման քրեական գործի շրջանակներում։ Ասլանովային պետք է հարցաքննեին նրա փաստաբան Էմին Կիչիկբեկովի ներկայությամբ։

Հարցաքննության ժամանակ կինը ցած է նետվել դատախազության երկրորդ հարկի պատուհանից՝ ստանալով ծանր մարմնական վնասվածքներ։ Նրան տեղափոխել են հիվանդանոց, սակայն, չնայած բժիշկների ջանքերին, նրան չի հաջողվել փրկել։