«Հակադրվե´ք ճնշմանը». Չալաբյանի կոչը՝ պետական ծառայողներին

«ՀայաՔվե» նախաձեռնության համակարգող Ավետիք Չալաբյանը հրավիրած ասուլիսի ժամանակ դիմեց պետական աշխատողներին՝ ասելով. «Դուք իսկապես գտնվում եք խոցելի վիճակում, որովհետև ձեր ղեկավարները փորձում են պարտադրանքի միջոցներով ձեզ հետ պահել «Հայաքվե»-ից: Բացարձակ մի տրվեք այդ պարտադրանքին: Հաջորդ շաբաթն այն շաբաթն է, երբ դուք հնարավորություն եք ունենալու ջարդել այդ վախի կապանքները և իրացնեք ձեր քաղաքացիական, մարդկային իրավունքները»:

Շարունակելով խոսքը՝ նա ասաց. «Հակադրվե´ք էն ճնշմանը, որը ձեր դեմ կիրառվում է, այդ ճնշումն ապօրինի է: ՀՀ-ում կան մոտավորապես 200.000 պետական ծառայողներ, և ովքեր ձեզ սպառնում են աշխատանքից հեռացնելով, պետք է հստակ հասկանան՝ 200 հազար մարդու հնարավոր չէ աշխատանքից հեռացնել, 20-ին էլ հնարավոր չէ հեռացնել: Ձեզանից յուրաքանչյուրին աշխատանքից հեռացնելու դեպքում, մենք հետամուտ ենք լինելու, որ դուք փոխհատուցում ստանաք՝ մեկ, վերականգնվեք՝ 2, իսկ էն մարդիկ, ովքեր ձեր հանդեպ ապօրինություն են գործել՝ քրեական պատասխանատվության ենթարկվեն»: