«ՔՊ-ի՝ «Հայաքվե»-ին դեմ քվեարկելը բոլորովին էլ փաստ չէ». Ավետիք Չալաբյան

«Բազմիցս է հնչել այն հարցը, որ ԱԺ «Քաղաքացիական պայմանագիր»-ը պետք է դեմ քվեարկի «Հայաքվե»-ին, բայց դա բոլորովին էլ փաստ չէ». ընթացող ասուլիսի ժամանակ ասաց նախաձեռնության համակարգող Ավետիք Չալաբյանը:

«Մեզ ընդամենը պետք է, որ 20 պատգամավոր քվեարկի, և մենք աշխատելու ենք նրա վրա, որ այդ 20 պատգամավորը քվեարկի: Ի դեպ, «Քաղաքացիական պայմանագիրն» իր խորհրդի կամ վարչության ղեկավարի մակարդակով չի արտահայտվել: Հիմա իրենք դիմադրում են, բայց բազմաթիվ են մեր պատմության մեջ դեպքերը, երբ որ իշխող քաղաքական ուժն ինչ-որ բանի դիմադրում է, հետո էլ՝ համաձայնվում է»: