«Փաշինյանը նշում է, որ Ադրբեջանն Արցախում Ցեղասպանություն է նախապատրաստում ու նշաձող է իջեցնում». Տաթևիկ Հայրապետյան

ԱԺ նախկին պատգամավոր, ադրբեջանագետ Տաթևիկ Հայրապետյանը ֆեյսբուքյան իր էջում գրում է. «Նիկոլ Փաշինյանը նշում է, որ Ադրբեջանն Արցախում Ցեղասպանություն է նախապատրաստում ու հիմնավորում է այդ թեզը։ Եթե կա մարդկության դեմ հանցանք գործելու վտանգ (իսկ դա անխոս կա), ինչպե՞ս ու ի՞նչ հիմնավորմամբ է Փաշինյանը միջազգային հարթակներում ճանաչել Արցախն Ադրբեջանի մաս։ Ի՞նչ են ստացել Արցախն ու Հայաստանը դրան ի պատասխան, բացի նոր սպառնալիքներից։ Ո՞վ էր ստիպում Փաշինյանին նշաձող իջեցնել Արցախի հարցում, երբ իր իսկ խոսքերով այնտեղ ապրող հայերին սպառնում են ցեղասպանությամբ»: