«ՄԱԿ մտած երիտասարդներին ասել են՝ փաստեր բերեք. երևի այսպիսի նկարների են սպասում». Զարուհի Մուրադյան

Նկարչուհի Զարուհի Մուրադյանի գրառումը․ «Էսօր ՄԱԿ մտած երիտասարդներին ասել են՝ փաստեր բերեք, որ ուղարկենք Նյու-Յորք՝ կենտրոնակայան: Երևի հույս ունեն, որ զանգվածաբար սենց նկարներ պիտի ուղարկեն, մի երկու դիակ էլ՝ կողքը, որ իրենց հաստ գլուխը մտնի, որ աղետ է: Հույս թող չունենան, հայ ծնողը էս վիճակին չի հասցնի իր երեխային: Բոլորն իրենց բակերի հողը մշակել, մի բան ցանել են ու տնկել: Ռուսն էլ, երևի, սպեկուլյացիա է անում: Իսկ իրենց նոր, պլպլան ջիփերը չեն կարող չէ նստել, գնալ, տեղում վիճակը տեսնել: Ո՞նց եղավ, որ պետություն, կառավարություն չունեցող եզդիներին նկատեցին, թե կողքերը նավթի հոտ էր գալիս: Եթե այսօր ՄԱԿ-ի բոլոր մուտքերը չբլոկեյին, ոչ էլ ընդունելու էին: Ճնշում, միայն ճնշում: Ի դեպ, հանկարծ չմտածեք, թե նիկոլի կառավարությունից բան չկա պահանջելու: Թուրքիայի փակ կամուրջը ո՞նց բացվեց: Բայց ձմռանը աղետ կլինի»: