«Իշխանությունից հիասթափվել եմ, բայց դա չի նշանակում, որ ունեմ այլ տարբերակ». Հովհաննես Ազոյան

Դերասան, հեղափոխության ակտիվ մասնակից ու իշխանության աջակից Հովհաննես Ազոյանին այսօր «Ֆակտոր»-ի թղթակիցը հարց է ուղղել՝ շարունակո՞ւմ է սատարել այս իշխանություններին:

«Բարդ հարց եք տալիս, մի բան ակնհայտ է, որ այս իշխանությունը կորցրել է իրականության զգացողությունը, կորցրել է պատասխանատվության զգացողությունը, բայց այլընտրանք առայժմ չեմ տեսնում, որը կարող է փոխարինել այս իշխանությանը: Այն դեռ միսիա ունի անելու: Հիասթափվել եմ, բայց դա չի նշանակում, որ ունեմ այլ տարբերակ՝ այս իշխանությանը փոխելու: Ընդդիմության մասին ընդհանրապես անիմաստ է խոսել, այնտեղ քաղաքական էլեմենտ չկա, ընդդիմությունն այսօր գոյություն չունի»,- պատասխանեց Ազոյանը: