«Քիչ հավանական է՝ խաղաղության պայմանագրում գտնվի ԼՂ-ի մասին կետ, որի հետ համաձայնեն Երևանն ու Բաքուն». Փաշինյան

«Հավանականությունը, որ ԼՂ-ի հետ կապված խաղաղության պայմանագրում կլինի ձևակերպում, որի հետ համաձայն կլինի և´ Ադրբեջանը, և´ Հայաստանը և´ Լեռնային Ղարաբաղը, շատ քիչ ա: Եթե քիչ չլիներ, հիմա մի քանի անգամ հարցը լուծված կլիներ: Այս բարդություններից որևէ ձևով ելք գտնելու հնարավորությունների մասին ա հիմա խոսակցությունը գնում»,- այսօր կայացած մամուլի ասուլիսում նշել է ՀՀ վարչապետ Նիկոլ Փաշինյանը՝ շեշտելով, որ քիչ հավանական է՝ խաղաղության պայմանագրում գտնվի ԼՂ-ի մասին կետ, որի հետ համաձայնեն Երևանն ու Բաքուն: