«Էրդողանն ասաց, որ Զանգեզուրի միջանցքի հարցում խնդիրը միայն Իրանն է․ պարզաբանեք»․ լրագրողը՝ Փաշինյանին

«Էրդողանն ասաց, որ Զանգեզուրի միջանցքի հարցում խնդիրը միայն Իրանն է. կա՞ արդյոք պայմանավորվածություն, որի մասին հանրությունը տեղյակ չէ»,- ասուլիսի ժամանակ Փաշինյանին հարց հղեց լրագրողը: Ի պատասխան վարչապետն ասաց. «Ես կարծում եմ, որ մեր դիրքորոշումները չեն փոխվել, ավելին, մենք նաև այդ հայտարարությունից հետո մեր տպավորությունները կիսել ենք ոչ միայն մեր գործընկեր երկրների հետ, այլև մենք կոմունիկացնում ենք մեր դիրքորոշումը Թուրքիայի մեր գործընկերների հետ: Հայաստանի Հանրապետության տարածքում որևէ միջանցք չի կարող գործել, ՀՀ-ն պատրաստ է ճանապարհների վերաբացմանը, որը, ինչպես վերջին բրյուսելյան հանդիպմանը հետևած հայտարարության մեջ է նշվում, պետք է գործի տարածքային ամբողջականության ինքնիշխանության և իրավազորության շրջանակներում»: