«Ինչո՞ւ եք օրինակ բերում ոչ հայանպաստ փաստաթղթերը, և չեք բերում օրինակ Գերմանիայի կանցլերի ինքնորոշման իրավունքի հայտարարությունը»․ լրագրողը՝ Փաշինյանին

Այսօր կայացած ասուլիսի ժամանակ լրագրողը հարց հղեց վարչապետին. «Ինչո՞ւ եք օրինակ բերում ոչ հայանպաստ փաստաթղթերը, և չեք բերում, օրինակ, Գերմանիայի կանցլերի՝ ինքնորոշման իրավունքի հայտարարությունը»: Ի պատասխան Փաշինյանը տվեց ոչ հստակ պատասխան. «Ես ինձ մեղավոր եմ զգում, որ շատ բաներ կան, որոնց մասին ես չեմ խոսել: Շատ նրբություններ կան, որոնց մասին մենք չենք խոսել՝ մի մասը նաև այն պատճառով, որի պատճառը ձեր նշած ընկալումն է եղել: Ինչու խոսել մի բանի մասին, որոնք մեր դիքրորոշումները չեն ուժեղացնում: Իրողությունների և իրականության հետ հարաբերություններում է խզում տեղի ունենում: Հենց դրա համար չենք ասել, որ չստացվի՝ ինչ որ մի կառուցված բան փլուզում ենք: Ես եկել եմ այս կարգավիճակում հայտվել եմ և այդ խոսույթը շարունակել եմ տանել՝ որպես Հայաստանի պաշտոնական դիրքորոշում: Բայց զուգահեռ նաև այդ իրողությունների հետ եմ դիրքորոշվել...»: