«Նիկոլ Փաշինյանի ասուլիսն ընդամենը ցույց տվեց նրա խորն ատելությունն ամեն հայկականի նկատմամբ». Թևանյան

«Հայաստան» խմբակցության պատգամավոր, «Մայր Հայաստան» շարժման համակարգող Անդրանիկ Թևանյանը ֆեյսբուքյան իր էջում գրել է. «Նիկոլ Փաշինյանի ասուլիսն ընդամենը ցույց տվեց նրա խորն ատելության աստիճանն արցախահայության և ընդհանրապես ամեն հայկականի նկատմամբ։ Մնացած առումներով նոր բան չկար․ հանձնում է Արցախն ու Հայաստանը՝ «խաղաղության» լոզունգի տակ։ Դրսից եկած նորությունները բացահայտում են Հայաստանի հանձնման դետալները։ Պարզվում է՝ Ադրբեջանը պատրաստակամություն է հայտնել ապահովել արցախահայության՝ որպես ազգային փոքրամասնության իրավունքներն Ադրբեջանի կազմում և համարժեք մոտեցում է պահանջել Հայաստանից։ Վերջինս համաձայնել է։ Դա նշանակում է, որ քննության առարկա է դարձել ադրբեջանցիների վերադարձը Հայաստան։ Մնացածը թողնում եմ ձեր երևակայությանը։ Գնահատականի ու խոսակցության թեմա այլևս չի մնացել։ Նիկոլ Փաշինյանին հեռացնելը կարող է լինել միակ խոսակցության թեման։ Այս գործում բոլորս անելիք ունենք։ Ամեն մեկս պետք է առաջնորդվի՝ «Ո՞վ, եթե՝ ոչ ես, ե՞րբ եթե ոչ՝ հիմա» կարգախոսով։ Ինքս ամեն ինչ դնելու եմ «կոնին» և օգտագործեմ բոլոր հնարավորություններն այս գոյաբանական պայքարում։ Միացե՛ք»։