«Ռուսաստանը հրաժարվեց իր նախկին տեսակետից՝ անգամ առաջ անցնելով Բրյուսելին ու Վաշինգտոնին». Ա. Պողոսյան

Քաղաքագետ Արա Պողոսյանի ֆեյսբուքյան գրառումը. «ԱԳ նախարարների հանդիպման ավարտին ուշագրավ է ՌԴ ԱԳՆ նախարար Սերգեյ Լավրովի հայտարարության ահա այս հատվածը.
«Հայկական կողմը հասկանում է Լեռնային Ղարաբաղի հայերին համոզելու անհրաժեշտությունը հնարավորինս շուտ հանդիպել Ադրբեջանի ներկայացուցիչների հետ՝ համաձայնեցնելու համապատասխան օրենսդրությունից և միջազգային պարտավորություններից բխող իրավունքները (այս դեպքում՝ Ադրբեջանը), ներառյալ ազգային փոքրամասնությունների իրավունքների ապահովման բազմաթիվ կոնվենցիաները։
Ադրբեջանական կողմը պատրաստ է փոխադարձ հիմունքներով նույն երաշխիքները տրամադրել իր տարածքում ապրող անձանց նկատմամբ»,- ասել է ՌԴ արտգործնախարարը։
Այսպիսով՝ Ռուսաստանը պաշտոնական մակարդակում հրաժարվեց իր նախկին տեսակետից, և այստեղ անգամ առաջ անցավ Բրյուսելից ու Վաշինգտոնից։
Կարող ենք ցավով արձանագրել, որ Լավրովի այս հայտարարությունը ըստ էության իր մեջ խտացնում է ո´չ միայն Ադրբեջանի, այլև Հայաստանի իշխանությունը գրաված մարդկանց մոտեցումները։
Ցավոք, այս վիճակը ևս կանխատեսելի էր Հայաստանի իշխանությունը գրաված մարդկանց հայտարարությունների համապատկերում։ Այսուհետ ճնշումներն ավելի կմեծանան և վիճակը ավելի կբարդանա։ Ու դրա համար կան կոնկրետ մեղավորներ, ովքեր ունեն շատ կոնկրետ անուն և ազգանուն»։