Մի քանի անգամ դատապարտվածին կախված են գտել ավտոտնակում

Այսօր՝ հուլիսի 26-ին, ողբերգական դեպք է տեղի ունեցել Արմավիրի մարզում: Ժամը 17:00-ի սահմաններում ՀՀ Ներքին գործերի նախարարության ոստիկանության Արմավիրի մարզային վարչություն և Ոստիկանության Վաղարշապատի բաժին օպերատիվ տեղեկություններ են ստացվել, որ Էջմիածին քաղաքի Արարատյան փողոցի տներից մեկում դի կա: Ինչպես հայտնում է ֆոտոլրագրող Գագիկ Շամշյանը, ո ստիկաններն ու քննիչները նշված փողոցի 43 հասցեում գտնվող ավտոտնակում՝ առաստաղից ռեզինե պարանով կախված վիճակում հայտնաբերել են նշված տան բնակիչ, 46-ամյա Արշավիր Ա.-ի դին: Դատաբժշկի նախնական եզրակացության համաձայն՝ արտաքին զննությամբ դիակի վրա բռնության հետքեր չեն հայտնաբերվել: Աղբյուրի տեղեկություններով՝ Արշավիր Ա-ն շաբաթներ առաջ է Ռուսաստանի Դաշնությունից վերադարձել Հայաստան և մի շարք ​անգամներ տարբեր հանցագործությունների համար եղել է դատապարտված: