«Մենք սպասում ենք ԼՂ-ում տեղակայված ռուս խաղաղապահների, պաշտոնական Բաքվի դրական արձագանքին». Փաշինյան

«Ադրբեջանը խոչընդոտում է հումանիտար բեռների մուտքը՝ Լաչինի միջանցք և Լեռնային Ղարաբաղ: Այս գործելակերպը անհասկանալի է և անընդունելի: Լաչինի միջանցքի ապօրինի արգելափակելու Ադրբեջանի պատճառաբանությունն այն էր, որ հայկակա կողմն այդ միջանցքն օգտագործում է ռազմական նպատակներով: Սա, իհարկե, անհեթեթ պնդում է, որն օգտագործվում էր որպես պատրվակ Լաչինի միջանցքի արգելափակման համար»,-կառավարության այսօրվա նիստի ընթացքում ասաց վարչապետ Նիկոլ Փաշինյանը՝ ներկայացնելով, թե ինչ պատճառներով այդ երկիրը թույլ չի տաիս բեռների մուտքը ԼՂ:

«Նրա նպատակը ժողովրդին սովի մատնելն է և ցեղասպանության ենթարկելը: Անկախ մեր գնահատականներից, մենք սպասում ենք ԼՂ-ում տեղակայված ռուս խաղաղապահների, պաշտոնական Բաքվի դրական արձագանքին, որովհետև հումանիտար բեռի մուտքը թույլ չտալը ընդամենը կհաստատի ԼՂ-ում ցեղասպանություն իրագործելու Բաքվի մտադրության մասին մտավախությունները: Հումանիտար բեռների մուտքը՝ ԼՂ, ընդհակառակաը, կնպաստի, տարածաշրջանում խաղաղության հասնելու ջանքերին, դրական քայլ կլինի վստահության մթնոլորտի հաստատման ճանապարհին»: