«Երբ Արցախը սովահարության եզրին է, ի՞նչ համահայկական խաղեր». Ոսկան Սարգսյան

Լրագրող Ոսկան Սարգսյանի ֆեյսբուքյան գրառումը. «Երբ Արցախը սովահարության եզրին է, ի՞նչ համահայկական խաղեր
Տավուշի մարզպետի աշխատակազմը գովազդում է Գյումրիում կայանալիք համահայկական 8-րդ խաղերը։ Մարզպետարանի տարածած հայտարարության մեջ նշված է․ «Արդեն 25 տարի, 8-րդ անգամ, ուժի ու երիտասարդության տոն հայրենիքում՝ աշխարհի հայերի մասնակցությամբ: Օգոստոսի 5-ին, ժամը 21:00-ին, Գյումրու քաղաքային մարզադաշտում տեղի կունենա 8-րդ Համահայկական խաղերի բացման հանդիսավոր արարողությունը և մարզական մեծ շքերթ: Միասնություն սպորտով՝ համահայկական խաղերի մայրաքաղաք, չեմպիոնների քաղաք Գյումրիից»:
Արցախը շրջափակված է, 120 հազար մարդ սովահարության եզրին է, նրանց սպառնում է բռնագաղթ կամ ցեղասպանություն, ի՞նչ համահայկական խաղեր։ Համահայկականի մեջ Արցախն արդեն չի մտնո՞ւմ»։