«Ես նույնիսկ չգիտեմ՝ հայրս ո՞ղջ է, սիրտը դիմացե՞լ է». Վագիֆ Խաչատրյանի դուստր

«Ես պահանջ ունեմ բոլորից, ոչ միայն Կարմիր Խաչից»,- գրասենյակի դիմաց բողոքի ակցիայի ժամանակ ասաց Ադրբեջանի կողմից առևանգված բուժառու Վագիֆ Խաչատրյանի դուստրը՝ Վերա Խաչատրյանը, ապա շարունակեց. «Վերադարձրե´ք հայրիկիս, թող ամեն մեկն օգտագործի իր լծակը, ինչպես հանձնել են ադրբեջանցիներին, այնպես էլ վերադարձնեն: Իմ հայրը հանցագործ չէ, նա իր կյանքն ապրել է արժանապատիվ, և ոչ ոք իրավունք չունի այդ պիտակը կպցնելու»:

«Իմ հայրը առողջական լուրջ խնդիր ուներ, ես նույնիսկ չգիտեմ՝ ո՞ղջ է, սիրտը դիմացե՞լ է, թե չկա»,- ասաց նա: