««Զանգեզուրի միջանցք» թյուրքական ծրագրի իրականացման հարցում տեղի է ունեցել Բաքու-Անկարա հստակ դերաբաշխում». Արմեն Պետրոսյան

Արևելագետ Արմեն Պետրոսյանը ֆեյսբուքյան իր էջում գրում է. «Դեռևս Էրդողանի՝ Թուրքիայի նախագահի պաշտոնում վերընտրվելուց հետո Ադրբեջան կատարած այցն ամփոփելիս՝ կանխատեսել էի, որ «Զանգեզուրի միջանցք» թյուրքական ծրագրի իրականացման հարցում տեղի է ունեցել Բաքու-Անկարա հստակ դերաբաշխում։ Ըստ դրա՝ ծրագրի իրականացման այս փուլում «առաջին ջութակի» դերն ստանձնել է Թուրքիան, իսկ Ադրբեջանն առավելապես կենտրոնացել է արցախյան հիմնախնդրի վրա։
Կանխատեսումս հավաստող հստակ ցուցիչ է այսօր Անկարայում Էրդողան-Բայրամով հանդիպումից հետո Թուրքիայի նախագահականի տարածած պաշտոնական հաղորդագրությունը, որում մասնավորապես Էրդողանը կարևորել է «Զանգեզուրի միջանցքի շուտափույթ բացումը»»: