Ստորագրել է ավելի քան 58 հազար մարդ. «ՀայաՔվե»-ի առաջին փուլն ավարտվեց

«ՀայաՔվե» ստորագրահավաքի առաջին փուլն ավարտվել է: Քիչ առաջ կայացած մամուլի ասուլիսում նախաձեռնողներից Ավետիք Չալաբյանը հայտարարեց, որ 2 շաբաթվա դադար են վերցնելու, որպեսզի արդյունքներն ամփոփեն ու ներկայացնեն: Այս պահի դրությամբ ստորագրահավաքին մասանկել է 58 հազարից ավելի մարդ: «Սա մեծ հաղթանակ է, ի հեճուկս թշնամու կողմից մեր ժողովրդի նկատմամբ գործադրվող ահռելի ճնշման, ի հեճուկս ներքին թուրք-ադրբեջանական տանդեմի կողմից իրականացվող ճնշումների: Սա ուղիղ ժողովրդավարության կարևորագույն օրինակ է, որը մենք որպես նախադեպ կիրառեցինք մեր երկրում առաջին անգամ»,- նշել է նա: